JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MNEC : Embaixador TL Iha Japaun Tenki Hatudu Sensibilidade Politika Hodi Reprezenta Estadu TL (Radio)

MNEC : Embaixador TL Iha Japaun Tenki Hatudu Sensibilidade Politika Hodi Reprezenta Estadu TL (Radio)

Dili – Ministru Negosiu Estranjeiru No Koperasaun husu embaixador Timor Leste iha Japaun Elidio Ximenes tenki hatudu sensibilidade politika hodi reprezenta estadu Timor Leste iha rai liur.

Pozisaun ne’e, aprezenta husi ministra negosiu estranjeiru no koperasaun Adalgiza Magno, iha palasiu do governu Dili, relasiona ho Xanana Gusmão hato’o nia mensajen iha uma fukun Parlamentu Nasional Tokyo Japaun foin lalais ne’e.

Ministra Adalgiza Magno konfirma, laiha problema embaixador Timor Leste ba Japaun Elidio Ximenes publika iha nia pajina Facebook kona ba prensensa lider nasional Kay Rala Xanana Gusmão iha Japaun.

Tuir nia, Embaixador bele halo promosaun ba lider sira hotu maibe tenki hatudu sensibilidade politika hanesan diplomata ba interese estadu hotu.

Foin lalais ne’e, embaixador Timor Leste ba Japaun Elidio Ximenes komfirma, lider Xanana Gusmão partispa iha enkontru ne’e laos hanesan lider partido, maibe hanesan eis Presidenti Republika no lider nasional Timor Leste nian.

Diplomata Timor oan ne’e deklara, nia parte prontu atu simu konsiquensia ne’e, maibe defini lolos aktu ne’e, labele halo manipulasaun politika hodi ezonera.

Tuir publikasaun ne’ebe fo sai husi pajina Facebook embaixador Timor Leste ba Japaun katak, Xanana hato’o mensajen iha uma fukun Parlamentu Nasional Tokyo Japaun iha loron 18 fulan novembro tinan 2020.

(Domingos/Siso)

How do you react to this article?
Like
Love
Haha
Wow
Sad
Angry
You have reacted on "MNEC : Embaixador TL Iha Japaun Tenki Hatudu Se..." A few seconds ago

Add to Comments Here!!!!

error: Content is protected !!