SIK Nasional Kaptura Presidente ANC Ho Inisial JF (Radio)

27 Novembro 2020
0 Comments
1.023 View.

Dili – SIK Nasional kaptura prezidente ANC, iha nia servisu fatin tamba deskonfia iha ligasaun internet ilegal, husi kompaña Elite Komputer ho Telemor.

Desisaun ne’e, SIK ezekuta, bazeia ba mandadu tribunal ho numeru nuk 0166/20/pnsik hodi halo buska, detensaun no aprensaun ba prezidente autoridade nasional komunikasaun ho inisial JF.

Tuir observasaun jornalista RTTL nota, ekipa SIK akompaña hosi IT profesionál Timor oan, Abilio Bernardo Caldas investiga direita prezidente ANC ho nia tekniku sira.

Durante busa, rekolla mos evidensia importante balun, liga ho kontratu servisu ligasaun entre Telemor ho Elite Komputer inklui dadus selu taxa ne’ebe ANC rekolla husi kompaña Telemor no Elite Komputer husi tinan 2017 to’o 2020.

Durante, identifikasaun ne’e, SIK Nasional ho IT identifika mós kompaña ida ho naran Lifetech la rejista iha autoridade nasional komunikasaun – ANC hodi fornese liña internet ilegal ba kompainia Telemor.

Maibe, kompainia Lifetech halo ona ligasaun servisu direita ho Telemor, hodi fornese internet ho kapasidade 350mb, no totál koneksaun rede internet ilegál ne’ebé tama husi Indonésia mai Timor Leste, hodi fornese ba Telemor hamutuk 1gb.

Dadaun ne’e, presidente ANC ho inisial JF servisu investigasaun kriminal nasional lori ona ba detein iha sela sik nasional komandu jeral PNTL, durante oras 72 hafoin submete ba primeiru interogatoriu iha Tribunal Distrital Dili.

(Juvenal/Siso)

How do you react to this article?