SIK Kontinua Desliga Liña Transmisaun Internet Ilegal (Radio)

26 Novembro 2020
0 Comments
459 View.

Dili – Servisu investigasaun kriminal nasional, akompañado ho diretor kompaña Telemor ho inisial TVB hamate, koneksaun liña transmisaun fibra optika Telemor ho kompaña elite computer, iha CBD-2 no CBD-4 Timor Plaza Dili.

Durante, identifikasaun ne’e, parte IT identifika mós kompaña ida ho naran Lifetech ne’ebé halo ligasaun servisu direita ho Telemor, hodi fornese internet ho kapasidade 350 mb, no totál koneksaun rede internet ilegál ne’ebé tama husi Indonézia mai Timor-Leste, liu hosi Telemor hamutuk 1 gb.

Tuir observasaun jornalista RTTL nian, iha terrenu nota, ekipa SIK akompaña hosi IT profesionál Timor oan, Abilio Bernardo Caldas investiga direita operador Telemor nian, konsege print sai dadus konaba koneksaun rede internet, hodi sai hanesan evidensia, atu entrega ba SIK nasional hodi prosesa ba Ministériu Públiku.

Ekipamentu sira ne’ebé SIK sobu hanesan microwave ida no access point ida, ne’ebé kompaña elite computer monta iha tore kompaña telekomunikasaun Telemor nian.

Hodi halo ligasaun koneksaun rede internet ho kompaña Indonézia ida naran PT-NAP ne’ebé lokaliza iha Atambua Indonézia hodi fornese liña internet ilegál husi Indonézia ba kompaña elite computer hodi fornese tutan ba Telemor.

Antes ne’e, SIK hakotu uluk sistema koneksaun data center kompaña elite nian ne’ebé liga ba liña ministériu sira inklui hamate mós sistema rede koneksaun internet hosi kompaña elite ne’ebé monta iha tore Telemor iha área postu administrativu Balibo, munisipiu Bobonaro.

(Juvenal/Siso)

How do you react to this article?