Governu Sei Fo Promosaun Ba Patente Alta Militar Sira (Radio)

Dili – Governu promove ona major jeneral Lere Anan Timur ba tenente jeneral, brigadeiru jeneral Domingos Falur Rate Laek ba major jeneral, coronel Calistro Dos Santos Coliati ba brigadeiru jeneral no kapitaun de mar e Guerra, Donaciano Da Costa Gomes Pedro Klamar Fuik ba komodoru.

Proposta ne’e, governu sei propoin no delibera ba Presidente Republika hanesan komandu supremu hodi hare no desidi antes foti desijaun.

Ministru defeza Filomeno Paixão De Jesus, aprezenta proposta ne’e, hafoin hetan ona aprovasaun, iha reniaun Konsellu Ministru ne’ebe hala’o iha palaciu do governu Dili, kuarta-feira semana ne’e.

Ministru presidencia konsellu ministru Fidelis Leite Magalhaens hateten, objetivu promosaun ne’e atu forsa F-FDTL husi jeneral bele diskuti ho jeneral husi nasaun sira seluk kona ba estratejia militar nian.

Iha parte seluk, Konsellu Ministru analiza no hili ministra negosiu estranjeiru no koperasaun Adalgiza Magno hodi asinna, memorandum entendimentu ho instituto camoes koperasaun lingua husi Portugal, kona ba trabalho rehabilitasaun pouzada biti bo’ot iha Maubara no entrega oficial edeficiu ba governu.

(Domingos/Siso)

How do you react to this article?

You have reacted on "Governu Sei Fo Promosaun Ba Patente Alta Milita..." A few seconds ago