UNIJMA Husu Estado Atu Hakotu Akordo Sofa Ho EUA (Radio)

Dili – UNIJMA PRO RDTL husu estado atu hakotu akordo SOFA entre Timor Leste ho estado Unidos Amerika.

Liu husi komferensia imprensa tersa feira ne’e, portavos UNIJMA PRO RDTL Jil Ferdes konsidera, akordo SOFA labele kesi nafatin RDTL hodi atensaun maximu ba rehalibilitasaun Aeroportu Baucau.

Tamba fatin ne’e laos eskola ka klinika ruma, maibe ne’e Timor Leste nia fatin pontu estratejiku.

Ba jil ferdes, Timor Leste seidauk iha avioens rasik hodi garante navegasaun aereo, nomos siedauk iha kapasidade militar naton hodi asegura RDTL nia soberano tomak.

Portavos UNIJMA ne’e fundamenta, estado Timor Leste labele kontenti ho oferta gratuita ne’ebe oferese husi estados Unidos Amerika, maibe presija iha pozisaun ne’ebe firme hodi kontra realiadade ne’ebe akontese, tamba Amerika nafatin provoka paizes aziático balun.

Entretanto; konteudu husi akordu SOFA ne’ebe asina iha tinan 2002 ne’e permite militar no sívil, pessoál tékniku admnistrativu no ajente diplomata husi Estadus Unidsus Amérika no Austrália bele lori armas tama Timor Leste la liu husi prosesu administrativo.

Governu Timor Leste estabelese akordu ne’e, ho Estadus Unidos Amérika iha tinan 2002 enkuantu ho governu Australianu iha tinan 2006.

(Alau/Paidi/Siso)

How do you react to this article?

You have reacted on "UNIJMA Husu Estado Atu Hakotu Akordo Sofa Ho EU..." A few seconds ago