Pasientes Atus Ida Resin Mate Tanba Afetado Ho Moras hiv sida (Radio)

Dili – Pasientes atus ida resin mate tanba afetado ho moras hiv-sida.

Husi tinan 2003 to 2020, ministerio saude liu husi komisaun nasional kombate hiv-sida rejista pasientes hamutuk rihun ida resin.

Dadus ne’e, fó sai husi, ministra saúde Odete Maria Freitas Belo, iha seremonia abertura seminariu nasional ba komemorasaun loron mundial hiv-sida, ba estudantes universidade Dili – UNDIL.

Governante ne’e rekoñese, pasiente hiv/sida hirak ne’e, la konsege salva vida tamba pasientes afetado sira la hakbesik aan ba halo tratamentu iha sentru saude no imunidade isin fraku, hodi hasoru moras hadaet hiv/sida.

Reitor UNDIL José Agustino Belo agradese ba ministeriu saude ho komisaun nasional hiv/sida tamba bele fasilita ona informasaun ba estudante sira, hodi halo prevensaun ba moras hadaet hiv/sida.

Sekretariu jeral komisaun nasional kombate hiv/sida Atanasio De Jesus hateten, komemorasaun loron mundial hiv/sida tinan ne’e, sei hala’o iha suku Salele, postu Iliomar, munisipiu Covalima.

Seminariu ne’e, partesipa husi estudante departamento saude publika, emfermajem, no dentaria.

(Juvenal/Siso)

How do you react to this article?

You have reacted on "Pasientes Atus Ida Resin Mate Tanba Afetado Ho ..." A few seconds ago