MS Rejista Tan Kazu Moras Malaria Foun Sanulu Resin Hát Iha RAEOA (Radio)

25 Novembro 2020
0 Comments
89 View.

Dili – Ministériu saúde rejista tan kazu moras malaria foun sanulu resin hát iha RAEOA, periodu pandemia COVID-19.

Asuntu ne’e, hato’o husi ministra saúde Odete Maria Freitas Belo hafoin abertura seminariu nasional ba komemorasaun loron mundial hiv-sida ba estudante universitariu sira iha UNDIL, tersa feira ne’e.

Governante ne’e hateten, moras malaria elemina ona iha Timor Leste, maibe hafoin atake pandemia COVID-19, ministeriu saude identifika kazu malaria foun 14 iha RAEOA.

Tamba ne’e, nia husu ba komunidade sira atu kontinua hamos uma ninin, no hakoi kalen aat sira, hodi kombate moras malaria iha Timor Leste.

Iha parte seluk, ministeriu saude rekoñese aimoruk abate no fogin sei kontinua sai problema hodi kombate moras dengue no malaria iha komunidade nia leet.

Dadaun ne’e, ministeriu saude kontinua re-ativa hikas programa seluk konaba moras hadaet no moras la hadaet sira, hodi garante nafatin saude ne’ebe diak ba komunidade sira.

(Juvenal/Siso)

How do you react to this article?