PPN Ezonera Sekretaria Geral Parlamentu Nasional Husi Nia Kargu (Radio)

25 Novembro 2020
0 Comments
90 View.

Dili – Presidente Parlamentu Nasional, ezonera sekretaria geral Parlamentu Nasional Cedelijia Faria Dos Santos, husi nia kargu.

Desisaun ezonerasaun ne’e, Prezidente Parlamento Nasional, Aniceto Guterres, apresenta ona karta ezonerasaun ba sekretaria geral Parlametnu Nasional, iha loron 24 fulan novembro tinan ne’e, iha oras kuaze tuku 10 dader.

Secretaria geral Parlamentu Nasional Cedelija Faria Dos Santos justifka, kontiudo husi karta ne’e kona ba ezonerasaun ba nia kargo, ne’ebe ho razaun fundamentu katak, sekretaria geral la fasilita plenaria ba deputado sira iha loron 18 no 19 fulan maio tinan ne’e no electrisidade ne’ebe mate iha plenaria.

Cedelijia Faria konfirma, ezonerasaun ne’e la justu, tamba ne’e nia parte sei lori prosesu ba tribunal hodi buka lia los.

Nia justifika katak, kargo ne’ebe nia asume laos husi nomeasaun politika, maibe liu husi konkursu publiku ne’ebe ema barak kompete, tamba ne’e nia la aseita ho desizaun ne’ebe hasai nia husi sekretaria jeral parlamento tanba kontrato seidauk remata.

Entretanto; karta ne’ebe presidente Parlamentu Nasional haruka ba sekreratia geral Parlamentu Nasional atu hakotu ona nia kna’ar hahu kedas ona husi loron 24 fulan novembro tinan ne’e.

Hafoin ezonera, presidente Parlamentu Nasional halo kedas despacho numeru 31/2020/v/PPN hodi nomeia kedas superior parlamentar Adelino Afonsu De Jesus hodi asume kna’ar nudar sekretaio geral Parlamentu Nasional.

(Alau/Paidi/Siso)

How do you react to this article?