Komunidade Preokupa Ho Mediku Ne’ebé Abandona Fasilidade Saude (Radio)

Ermera – Komunidade suku fatubesi posto administrativo hatulia zona B preokupa ho mediku ne’ebé abandona fasilidade saude.

Preokupasaun ne’e, hato’o husi, komunidade Martinho José Maria relasiona akontesemento eletricidade soke labarik iha domingu liu ba, la konsege salva vida tanba familia lori ba fasilidade saude maibe doutor no imfermeiro laiha fatin hodi halo atendemento.

Martino José Maria ezije, ba ministerio saude ba oin atu hadia atendemento saude ba komunidade ho diak.

Mediku geral centro saude Gisarudu, Claudio De Jesus Oliveira hateten, iha posto saude Fatubesi tau ona ekipa pikete maibe tamba iha doutor balun lisensa anual no balun kondisaun saude, tamba ne’e wainhira atendemento emergensia tenki lori ba centro saude Gisarudo nune bele hetan atendemento neébe lais.

Hatan ba perkupasaun ne’e diretor servicu saude municipio Ermera António De Deus Fátima rekoñese sei halo komfirmasaun ho pesoal saude sira, hodi evita akontese tan iha futuru.

Tuir doutor ne’e katak, ho akontesimento ne’e bele bolu ona aetnsaun ba doutor sira hodi hadia atendemento diak iha futuru.

(Joana/Emy/Siso)

How do you react to this article?

You have reacted on "Komunidade Preokupa Ho Mediku Ne’ebé Abandona F..." A few seconds ago