GMPTL Husu Governu Intensifika Edukasaun Moral Ba Joven Sira(Radio)

Dili – Grupo mulher parlamentar husu governu no religiojo sira atu intensifika edukasaun moral ba joven sira hodi koinese impactu husi violensia sexual.

Prezidenti GMPTL Timor Leste Lidia Norberta hato’o questaun ne’e, relasiona ho kazu abuzu sexual nebe kontinua akontese iha rai laran.

Deputada Lidia Norberta hateten, governu presija fasilita formasuan moral ba joven sira, tamba joven barak mak seidauk uja tempo hodi prepara future, maibe uja oportunidade hodi tenta halo sexual ho ema seluk.

Ba Lidia Norberta, iha fulan ida ne’e nia laran, kazu tentativa violasuaun sexual hasoru feto nain tolu, tamba ne’e govenru presija tau atensaun ba problema feto nebe hasoru iha soseidade nia le’et.

Iha segunda feira ne’e, akontese insidente ida nebe suspeitu ho inisial LBB, ne’ebe lori tudik táa vitima ho inisial ODM iha suku Komoro.

Suspeitu ho inisial LBB hanesan eis namoradu husi vitima ODM, tamba deit la simu ho liafuan ne’ebe nia eis namorada hateten katak la simu ona nia sai hanesan doben.

Tamba ne’e, suspeitu foti tudik modo ne’ebe vitima uza hela, hodi ta’a vitima to rezulta kanek grave iha ulun.

(Alau/Siso)

How do you react to this article?

You have reacted on "GMPTL Husu Governu Intensifika Edukasaun Moral ..." A few seconds ago