Presidenti Tribunal Rekursu Realiza Enkontru Preleminar Ho PPN(Radio)

Dili – Presidenti tribunal rekursu realiza enkontru preleminar ho presidenti parlamentu nasional hodi hare kona ba lei medidas prevensaun kombate korupsaun nian.

Lei ne’e sei tama em vigor iha loron 22 fulan fevereiro tinan 2021.

Hafoin remata enkontru presidenti tribunal rekursu deolindo dos santos esplika, durante enkontru aborda deit asunto nebe liga ba lei medidas prevensaun kombate korupsaun nia implementasaun bainhira tama iha vigor.

Ba Deolindo Dos Santos, bainhira lei ne’e tama ona iha vigor, parlamentu nasional sei remete dokumentus ne’e ba tribunal rekursu.

Tamba lei ne’e rasik fo kompetensia tomak ba tribunal supremu justisa nian, atu halo fiskalizasaun.

Bainhira lei ne’e tama iha vigor, presidenti tribunal rekursu sei remete nia rikusoin ba kak hodi ejerse nia kompetensia, enquanto entidades relevantes sira seluk sei remete rikusoin ba tribunal rekursu.

lider orgaun judisiario ne’e garante ho prejensa lei foun ne’e sei hetan kontrolu maxímu husi tribunal rekursu hodi hare ba komprimentu deklarasaun rikusoin husi entidades estado sira.

(Alau/Paidi/Siso)

How do you react to this article?

You have reacted on "Presidenti Tribunal Rekursu Realiza Enkontru Pr..." A few seconds ago