PN Lamnenta Makas Aktu Oho Vitíma DS No Hakanek Oan Feto(Radio)

05 Novembro 2020
0 Comments
169 View.

Dili – Parlamento nasional lamnenta makas aktu oho vitíma Domingas Soares no hakanek oan feto iha Rai Rotu.

Primeira vice presidenti parlamentu nasional Maria Anjelina Sarmentu hato’o lamentasaun ne’e, relasiona ho kazu tentativa violasaun sexual, arma branka no homecido agravado, iha tasi tolu foin lalais.

Deputada Maria Anjelina Sarmentu afirma, kazu ne’e sai esperiensia ba entidades hotu, hodi tau matan ba problema feto nebe kontinua as iha Timor Leste, tamba ne’e entidades hotu presija servisu hamutuk hodi kombate violensia kontra feto iha Timor Leste.

Parlamentu nasional husu ba setor judisiario atu fo sentensa nebe todan hasoru suspeito, hodi fo satisfasaun ba vitima no familia, tamba ne’e krime publiku.

Entretanto, kazu ne’e akontese iha loron tolu nulu resin ida, fulan outubru, mais ou menus tuku rua ho balun madrugada bainhira suspeitu ho inisial LH tama ba vitima nia uma laran liu hosi janela.

Iha loron domingu fin de semana, tribunal distrital Dili aplika medidas prizaun preventiva ba arguido ho inisial LH ne’ebe komete kazu omesidiu kontra vitima domingas soares no hakanek matebian nia oan feto iha area Rai Kotu-Comoro.

(Alau/Siso)

How do you react to this article?