KOMJER PNTL Nafatin Garante Seguranca Ba Familia Matebian Domingas Soares(Radio)

Dili – Komandu jeral PNTL nafatin garante, seguranca ba familia matebian Domingas Soares iha Raikotu Dili, relasiona aktu ameaça husi deskonhecido balun falun oin no armado ho samurai.

Garantia ne’e, hato’o husi portavoz komandu jeral PNTL superintendente xefi Arnaldo De Araujo liu husi konferensia imprensa ne’ebe halao, iha kuartel jeral PNTL Kaikoli Dili, kuarta feira ne’e.

Portavos komandu ne’e hateten, komandu jeral PNTL orienta ona komandu munisipiu Dili, hodi koloka membru atu garante siguransa ba familia matebian sira, iha area refere.

komandu jeral PNTL mos orienta ona komandu munisipiu sira inklui RAEOA, atu hasae volume patruilamentu iha tempu kalan no loron, hodi evita kazu krimi sira.

Kazu homesidu Raikotu, akontese iha loron 30 fulan outubru tinan ne’e, iha Raikotu, hodi rejulta suspeitu ho inisal LH oho mate Domingas Soares no sona kanek nia oan feto.

Dadaun ne’e, arguido ba kasu Raikotu kumpre ona prisaun preventive.

(Juvenal/Siso)

How do you react to this article?

You have reacted on "KOMJER PNTL Nafatin Garante Seguranca Ba Famili..." A few seconds ago