PNTL Simu Ona Informasaun No Parte Seguransa Sei La Tolera Aktu Violentu(Radio)

Dili – Komando PNTL munisipiu dili simu ona informasaun konaba deskoiñesidu ne’ebé uza sasan kroat ameasa familia vitima kazu Rai Kotu-Dili.

Informasaun ne’e transmite husi segundo komandante PNTL Dili superientendente Euclides Belo iha nia knaar fatin Caicoli, tersa feira ne’e.

Superientendente Euclides Belo haktuir, PNTL munisipiu dili simu ona informasaun no parte seguransa sei la tolera aktu violentu sira ne’ebe kontribui ba instabilidade.

Euclides Belo haktuir, komando fó ona orientasaun ba ekipa serbisu sekreta PNTL eskuadra dom aleixo atu monitoriza no buka tuir autor ne’ebé ameasa familia vitima domingas soares iha terrenu.

Segundu komandante PNTL munisipiu Dili ne’e apela ba komunidade sira atu pasa informasaun ba polisia baihira ema deskoiñesidu ba ameasa familia vitima kazu Rai Kotu.

(Manuel/Eko)

How do you react to this article?

You have reacted on "PNTL Simu Ona Informasaun No Parte Seguransa Se..." A few seconds ago