Selebrasaun Loron Nasional Feto Timor Leste(Radio)

Dili – Prezidente republika apela atu labele halo diskriminasaun hasoru direitu feto Timor Leste.

Apelu prezidente republika Francisco Guterres Lu-Olo ne’e fó sai liu husi komunikadu imprensa ne’ebe RTTL asesu tersa feira ne’e.

Xefi estadu Francisco Guterres Lu-Olo haktuir, feto tenke hetan oportunidade hanesan ho mane hodi hasa’e sira nia kapasidade liu husi edukasaun to’o nivel aas liu, atu nuné envolve foti dezisaun ba vida nasaun.

Tuir xefe estadu katak, feto mos partisipa ativu kaer kilat hodi kontra invasor Indonesia durante okupasaun ilegal iha Timor Leste.

Estadu Timor Leste rasik, hafoin restaurasaun independensia, ofisializa ona loron 3 fulan novembru nudar loron nasional feto Timor Leste, liuhusi lei númeru 10 tinan 2005, loron 10 fulan agostu.

Alem de nee, konstituisaun RDTL artigo 17 mos defende igualdade jeneru entre feto ho mane.

(Manuel/Eko)

How do you react to this article?

You have reacted on "Selebrasaun Loron Nasional Feto Timor Leste(Radio)" A few seconds ago