Uma Populasaun Nian Ida Ahi Han area samabere suco Buibau(Radio)

Dili – Ahi han uma populasaun ida iha area samabere suco Buibau posto administrativu Baucau Vila tersa-feira madrugada.

Ba jornalista RTTL vitima Martinha Ximenes hateten, ahi han uma hahu husi odamatan boot, hafoin alastra no halo vitima hakfodak hodi hakilar no hetan ajuda husi familia.

Insidente nee akontese, deskonfia ema maka sunu tamba akontese iha tuku rua madrugada wainhira vitima sei toba hela.

Xefi suco Buibau Fransisco Ximenes konfirma, autoridade suco verifika ona tipu estragus no tuir planu iha tempo besik sei apresenta ba ministeriu kompetente atu fó apoia emergencia ba vitima.

Ho insidente nee, vitima la konsege salva sasan uma laran no daudaun nee hela provizoriu ho familia sira.

(Mp/Emy)

How do you react to this article?

You have reacted on "Uma Populasaun Nian Ida Ahi Han area samabere s..." A few seconds ago