Governu Entrega Ona Livro Panorama Orsamental Tinan 2021 Ba PN (Radio)

Dili – Governu entrega ona livro panorama orsamental tinan 2021 ba parlamentu nasional.

Liu husi komferensia imprensa quinta feira ne’e, iha Parlamentu Nasional, portavos Lidia Norberta hateten, meza Parlamentu Nasional iha quarta feira ne’e simu komitiva husi ministro asunto parlamentar ho tekniku ministerio finansas hodi entrega livro adisional numero 1 to’o 6.

Ba Lidia Norberta, livro ne’e atu fasilita deputado sira hodi halo estudo, molok tama ba diskusaun iha audensia publika to’o debate final global.

Entretanto; kalendario ba diskusaun proposta orsamentu geral estado tinan 2021 jeneralidade sei hahu iha loron 1 fulan dezembro to’o final global iha lorona 18 fulan dezembro.

Aleinde ne’e audensia publika ho governu sei realiza iha semana oin ho durasaun tempo semana rua ba audensia publika prposta lei orsamentu tinan 2021.

Dadaun ne’e, proposta lei orsamentu geral estado tinan 2021 meza Presidenti Parlamentu Nasional distribui ona ba komisaun espesializadas sira hodi fiksa ajenda kada komisaun ho ministerio relevante sira.

(Alau/Siso)

How do you react to this article?

You have reacted on "Governu Entrega Ona Livro Panorama Orsamental T..." A few seconds ago