Komisaun Nasional Kombate Hiv/Sida Preve Ona Orsamentu Rihun Atus Lima Resin Iha OGE 2021 (Radio)

Dili – Komisaun nasional kombate hiv/sida preve ona orsamentu ho montante rihun atus lima resin iha orsamentu jeral estadu 2021.

Asuntu ne’e, hato’o husi, sekretariu jeral komisaun nasional kombate hiv/sida Atanasio De Jesus, iha nia servisu fatin Pantai Kelapa Dili, tersa feira ne’e.

Atanasio De Jesus konfirma, orsamentu hirak ne’e, sei prioritiza ba sensivilizasaun informasaun ba komunidade sira iha area remotas no linha fronteira ne’ebe sai risku ba kazu hiv/sida.

Komisaun nasional kombate hiv/sida ho ministeriu saude enkontru ho parseiru nasional ho internasional sira, hodi prepara ba komemorasaun loron mundial hiv/sida ne’ebe sei realiza iha loron 1 fulan dezembru tinan ne’e.

Enquantu, komisaun nasional kombate hiv/sida relata kazu hiv/sida rejista a’as iha munisipiu Dili, inklui munisipiu sira ne’ebe sai risku ba kazu transmisaun hiv/sida, iha liña fronteira.

(Juvenal/Manuel/Siso)

How do you react to this article?

You have reacted on "Komisaun Nasional Kombate Hiv/Sida Preve Ona Or..." A few seconds ago