PNTL Prosesa Ona Filipina Nain 3 Sama Bandeira RDTL BA MP (Radio)

Dili – Komandu polisia munisipiu Dili, prosesa ona kazu ne’ebe involve, sidadaun Filipina nain tolu ne’ebe sama bandeira RDTL ho kareta, ba Ministériu Públiku.

Kazu ne’e, akontese iha loron domingo mais ou menus oras tuku sia ho balun, iha area uma adat Tasi Tolu Dili.

Portavos komandu jeral PNTL, superintendente xefi Arnaldo De Araújo konfirma, bainhira simu informasaun husi komunidade sira, konsellu polisiamentu komunitaria ho polisia eskuadra dom aleixu ba kedas fatin akontesimentu hodi kaptura suspeitu sira, hodi submete ba investigasaun kriminal.

Tamba ne’e, komandu jeral PNTL, apela ba sidadaun hotu ne’ebe servisu iha Timor Leste, atu respeita no tane a’as nafatin bandeira RDTL tamba bandeira RDTL sosa ho ruin no ran.

Kazu ne’e, komunidade sira identifika iha area tasi tolu, banhira suspeitu nain tolu ho insial MD, JDG, MN, uza bandeira tau iha rai, hafoin sira treinu kareta.

(Juvenal/Sio)

How do you react to this article?

You have reacted on "PNTL Prosesa Ona Filipina Nain 3 Sama Bandeira ..." A few seconds ago