PN Sei Halo Debate Ba Lei Protesaun Civil No Extensaun EE (Radio)

Dili – Parlamentu nasional hahu halo diskusaun ba proposta lei protesaun civil, iha segunda feira semana ne’e.

Portavos Lidia Norberta hateten, lider bankada sira aprova ona ajenda plenaria ba semana oin atu debate ba proposta lei protesaun civil ne’ebe foin lalais ne’e sefi estado veta.

Deputada Lidia Norberta konsidera, Parlamentu Nasional iha solusaun rua atu hadia mak hanesan komfirmasaun votus no akomoda mos preokupasaun xefi estado nian.

Aleinde ne’e lider bankada sira mos aprova ajendamentu ba tersa feira semana ne’e hodi debate ba extensaun estado emerjensia ba dala hitu nian.

Entretanto; Parlamentu Nasional iha ona regra foun ne’ebe inisia husi gabinete presidensia Parlamentu Nasional hodi aktualiza servisu orgaun lijislativo kada fim de semana liu husi komferensia imprensa husi portavos Lidia Norberta atual sekretaria meza Parlamentu Nasional.

(Alau/Siso)

How do you react to this article?

You have reacted on "PN Sei Halo Debate Ba Lei Protesaun Civil No Ex..." A few seconds ago