Movimento Labarik Feto Foinsa’e Husu Sidadaun Konsiénsia Uja Media Sosial (Radio)

Dili – Movimento labarik feto foinsa’e ho Fundadasaun Alola, husu sidadaun konsiénsia uja sosial media Facebook.

Pedidu ne’e, hato’o husi, Jacinta Luzinha, hafoin partisipa iha kolokiu ho topíku utilza internet ho seguru no saudavel, hodi selebra loron mundial labarik feto iha Timor Leste, iha sesta feira foin lalais.

Diretora ezekutivu movimentu labarik feto Timor Leste, Jacinta Luzinha hateten, atividade kolokio ne’e hala’o tanba realidade iha Timor Leste labarik feto sira sempre sai vitíma ba utilijasaun sosial media.

Xefe departamentu armamentu no seguransa PCIC, Devi Albro Silva enkoraja foin sa’e feto no mane atu konsiénsia uja Facebook, hodi evita liafuan insulto no mal prátika iha sosial media.

Iha periodo tinan 2000, internet hahu buras iha Timor Leste no ba dadaun ne’e maioria sidadaun Timor maka uja Internet, Facebook, Twiter, Youtube, Whatsap no seluk tan.

Iha parte seluk, sidadaun barak maka sai vitíma, tanba uja sosial media laos ba peskija maibe uja fali ba asesu imajen imoral sira.

(Cipri/Paidi/Siso)

How do you react to this article?

You have reacted on "Movimento Labarik Feto Foinsa’e Husu Sidadaun K..." A few seconds ago