Dom Virgilio Do Carmo Da Silva Apela Ba Sarani Kontinua Hametin Fiar Ba Maromak (Radio)

Dili – Dom Virgilio Do Carmo Da Silva apela ba sarani kontinua hametin fiar ba maromak hodi trava moras Corona Virus tama mai Timor Leste.

Apelu Arsebispu Metropolitana Diocese Dili, Dom Virgilio Do Carmo Da Silva hato’o, iha ceremonia enseramentu mahein edukasaun São Jõao Paulo II, iha postu administrativu Turiscai, munisipiu Manufahi, kinta feira ne’e.

Dom Virgilio Do Carmo Da Silva haktuir, ho fiar sarani nian, moras Corona Virus la invade mai Timor Leste, maske nasaun barak iha mundu nia povu mate barak ho moras Corona Virus.

Lider diocese ne’e, husu sarani sira kontinua hasa’e devosaun ba maromak no santo São Jõao Paulo II no santa sira hodi hadok husi buat at sira.

Desde inisiu pamdemia Corona Virus alarga ba nasaun sira iha mundu, too agora Timor Leste rejista pozitivu sidadaun nain 29 pozitivu Corona Virus, maioria rekoopera hela nain ida mak sei halo hela tratamentu iha sala izolamentu Vera Cruz.

(Manuel/Siso)

How do you react to this article?

You have reacted on "Dom Virgilio Do Carmo Da Silva Apela Ba Sarani ..." A few seconds ago