Governu Demiti Ona Oknum PNTL Ne’ebe Tiru Sidadun Iha Maubara (Radio)

Dili – Governu deside demiti oknum PNTL ne’ebe tiru sidadun ida iha Maubara, munisípiu Liquiça.

Informasaun ne’e relata husi komisáriu Polisia Nasional Timor Leste Faustino Da Costa.

Kinta feira ne’e komandante geral PNTL komisariu Faustino Da Costa akompaña husi segundo komandante Mateus Fernades hasoru malu ho Presidente Repúblika Fransisco Guterres Lu Olo hodi informa situasaun seguransa durante semana ida.

Ba jornalista sira, komisariu ne’e hateten, oknum PNTL ne’ebe tiru sidadaun ida iha postu administrativu Maubara, municipio Liquiça, demite ona husi instituisaun PNTL tamba komete krime tentativa halakon ema nia vida.

Kazu ne’e akontese iha loron tolu nulu fulan abril, tuku neen ho balun lokoraik iha suku Babikinia, posto administrativo Maubara, municipio liquiça.

Wainhira tiru vítima, suspeitu halao hela viazen ho trasporte publiku.

Suspeitu dadaun ne’e kumpri hela prizaun prventiva iha prizaun Becora.

(Lucas Da Costa/Bella)

How do you react to this article?

You have reacted on "Governu Demiti Ona Oknum PNTL Ne’ebe Tiru Sidad..." A few seconds ago