JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

F-FDTL Lakon Tan Membru Diak Ida (Radio)

F-FDTL Lakon Tan Membru Diak Ida (Radio)

Dili – Komandu F-FDTL lakon tan membru di’ak ida, ne’ebe durante ne’e servisu iha komponente naval hera.

Kapitaun fragata João Fátima kodigu “Buka Tuir” mate tamba sofre moras estruk no moras fuan.

Representante familia matebian Emilia Francisca hateten, matebian hanesan membru ne’ebe sei ativu iha instituisaun F-FDTL.

Tamba ne’e, nia husu ba estadu ho komandu F-FDTL atu kontinua trata direitu ba faluk no oan kiak sira.

Vice xefi estdu maior jeneral forsa armada brgadeiru jeneral Falur Rate Laek sente triste tamba lakon ona membru diak ida ne’e durante ne’e, sakrifika nia a’an no hatudu loyal ba instituisaun, maibé garante, komandu F-FDTL sei kontinua trata direitu ba familia no oan kiak sira, tuir lei.

Xefe estado maior jeneral F-FDTL, major jeneral Lere Anan husu ba membro F-FDTL sira hotu atu kontrola nafatin saude hodi prevene an husi moras komplikado sira.

Matebian hetan atakasaun iha nia residénsia kolmera, iha oras tuku nen dadersan, hafoin transfere ba Hospital Nasional Guidu Valadares Dili, maibe médiku sira labele salva nia vida.

Kapitaun fragata João Fatima kodigu “Buka Tuir”, husi munisipiu Viqueque, postu administrativu Ossu, suku Buanurak, mate husik hela fen faluk no oan kiak nain hat feto rua no mane rua.

Mate isin sei lori ba halao serimonia kultural iha nia moris fatin Viqueque, hafoin ba halot iha Jardim Dos Herois Metinaro Dili.

(Juvenal/Paidi/Siso)

How do you react to this article?
Like
Love
Haha
Wow
Sad
Angry
You have reacted on "F-FDTL Lakon Tan Membru Diak Ida (Radio)" A few seconds ago

Add to Comments Here!!!!

error: Content is protected !!