Prokurador Distrital Dili Ho PNTL Sei La Tolera Kazu Krimi (Radio)

Dili – Prokuradoria Distrital Dili husu polisia munisipiu Dili, kontrolla autor sira ne’ebé hetan ona desizaun termu identidade residensia husi tribunal.

Pedidu ne’e, hodi asegura autor sira labele ses aan husi justica no sei la fo fatin ba krimonzu sira atu halo aktividade krimi iha kapital Dili.

Hafoin vizita kortejia, quarta feira ne’e, iha kuartel jeral PNTL Caicocli Dili, produrador Jacinto Babo justifica, Ministerio Publiku sei aktualiza servisu kordenada entre polisia munisipiu Dili ho Prokuradoria Distrital Dili, konaba investigasaun kazu krimi sira, ne’ebe akontese iha munisipiu Dili.

Komandante polisia munisipiu Dili, superintendente xefi Henrique Da Costa konfirma, komandu polisia munisipiu Dili mos koloka ona investigador ba iha eskuadra polisia sira, hodi halo investigasaun direita ba kazu krimi ne’ebe akontese iha postu administrativu sira.

Enquantu, periodu fulan outubru tinan ne’e, numeru kazu ofensa integridade fisika simples, abuzu seksual no krimi arma branka, rejista a’as iha Tribunal Distrital Dili.

(Juvenal/Siso)

How do you react to this article?

You have reacted on "Prokurador Distrital Dili Ho PNTL Sei La Tolera..." A few seconds ago