MSSI Sei Halo Pagamentu Ba Fámilia Reklamante Iha Semana Oin (Radio)

Dili – Governu sei halo pagamentu ba fámilia reklamantes rihun rua atus sia, iha semana oin no pagamentu ba idosu iha fulan oin.

Aleinde governu mos rekoñese relatorio husi Nasoens Unidas pursentu sanulu familia vulneravel seidauk hetan atensaun husi governu.

Vice Ministra Solidaridade Sosial No Inklusaun, Signi Sandrawati Verdial afirma, pagamento sei hala’o iha semana oina tanba lista verifikasaun ba pagamento finalija ona.

MSSI haruka ona lista naran pendenti hamutuk rihun sanulu resin tolu ba Ministerio Administrasaun Statal hodi halo re-verifikasaun lista.

Afirmasaun Vice Ministra Solidaridade Sosial hato’o iha debate rekoperasaun ekonomika tersa feira ne’e iha Parlamentu Nasional hodi responde ba preokupasaun deputado sira nian.

Iha parte seluk, governu mos rekoñese relatorio husi Nasoens Unidas pursentu 10 familia vulneravel seidauk hetan atensaun husi governu.

Tamba ne’e vice ministra solidaridade sosial no inklusaun deklara, governu sei esforsu hodi tau matan ba familia fulneravel ne’ebe durante ne’e lahetan atensaun husi governu no feto sira iha uma hamon ne’ebe hetan violénsia doméstika.

(Alau/Paidi/Siso)

How do you react to this article?

You have reacted on "MSSI Sei Halo Pagamentu Ba Fámilia Reklamante I..." A few seconds ago