Ministériu Saúde Rekoñese Fasilidade Saúde Balun Laiha Bee Mos (Radio)

Dili – Ministériu saúde rekoñese fasilidade saúde balun, laiha bee mos.

Asuntu ne’e, hato’o husi vice ministru saude Bonifacio Maukoli Dos Reis hafoin komemora loron mundial fase liman ho tema “Ijene Liman Ba Ema Hotu”, iha Palasiu Sinzas Kaikoli Dili, kuarta feira ne’e.

Governante ne’e hateten, governu ho ajensia sira iha komitmentu nafatin, hodi kordena ho ekipa servisu agua no sanemento, hodi estabele fasilidade bee mos iha fasilidade saude no fatin publiku sira, hodi garante hijene saudavel ba ema hotu.

Maibe, nia garante ema hotu sei moris saudavel bainhira pratika fase liman bei-beik ho sabaun.
Reprezentante UNICEF iha Timor Leste Valerie Taton hatete, fase liman mak save atu funu hasoru COVID-19 ho moras hadaet sira.

Komemorasaun loron mundial fase liman ho sabaun tinan ne’e, hetan partesipasaun maxímu husi ajensia internasionais, estudante universitáriu, diretores saúde inklui profesonais saude.

(Juvenal/Siso)

How do you react to this article?

You have reacted on "Ministériu Saúde Rekoñese Fasilidade Saúde Balu..." A few seconds ago