Komandu Polisia Munisipiu Aktualiza Difikuldades Ne’ebe Infrenta Ba KOMJER (Radio)

Dili – Komandu polisia munisipiu 12 inklui RAEOA, aktualiza difikuldade ne’ebe infrenta durante estadu emerjensia ba komandu jeral PNTL.

Komandante jeral PNTL komisariu Faustino Da Costa ba jornalista sira rekoñese, kondisaun transporte no kombustivel, sai problema ba komando munisipiu sira, hodi fasilita servisu operasional.

Tamba ne’e, komandu jeral orienta ona, komandante munisipiu no unidade sira, atu aprezenta proposta ba komandu jeral, hodi konsidera iha orsamentu 2020 ne’ebe Presidente Republika promulga ona.

Enquantu, Polisia Nasional Timor Leste mos sei garante siguransa ba komemorasaun loron importante sira hanesan, komemorasaun loron santu-santa no matebian, komemorasaun masacre santa cruz 12 de novembru inklui mos loron proklasaun independensia 28 novembru.

(Juvenal/Siso)

How do you react to this article?

You have reacted on "Komandu Polisia Munisipiu Aktualiza Difikuldade..." A few seconds ago