Membro PN Konsidera Sexta Bazika Laos Rekoperasaun Ekonomika (Radio)

Dili – Membro Parlamentu Nasional sira konsidera apoio sexta bázika laos rekoperasaun ekonómika, maibe asaun karitativa husi governu ba povo.

Iha debate ba apresentasaun planu rekoperasaun ekonomika, deputada Virgina Anabelo husu, governu apoiu sesta bázika liu husi sosa produto lokal la nesesario tamba aihan seluk iha hodi konsumu.

Deputado Luis Robertu afirma, governu presija defini ho lolos kontiudo husi planu rekoperasaun ekonomika, laos liu husi apoio sexta bazika, maibe identifika setor ne’ebe importante atu hodi rekopera ekonomika ne’ebe paraliza durante COVID-19.

Aleinde ne’e dpeutada Maria Anjelika Ranjel reforsa, governu labele sosa produto lokal husi komunidade sira hodi fahe fila fali liu husi sexta bazika, maibe buka alternativa seluk hodi substitui ho produto ne’ebe sosa husi komunidade sira.

Maibe ministro kordenador asunto ekonomiku Joaquin Amaral komfirma, governu nia planu sosa produto lokal hodi apoio ba komunidade hodi diversifika produto lokal no hasa’e vontade povo agricultura sira atu produs aihan local.

(Alau/Siso)

How do you react to this article?

You have reacted on "Membro PN Konsidera Sexta Bazika Laos Rekoperas..." A few seconds ago