Prezidente Repúblika Promulga OJE 2020 (Radio)

Dili – Prezidente Repúblika promulga, iha segunda-feira ne’e, OJE 2020 bilaun ida pontu atus haat sia nulu resin hitu hodi fo kompeténsia ba governu ezekuta.

Prezidente Republika uza nia kbiit konstitusionál hodi promulga dekretu hosi parlamentu nasionál n.° 23/V – orsamentu jerál estadu 2020.

Prezidente Repúblika konklui katak, dekretu Parlamentu Nasionál tuir rekizitus ne’ebé iha konformidade ho dispozisoins aplikáveis konstituisaun repúblika no nia lei sira.

Dotasaun orsamentu fahe tuir klasifikasaun ekonómika tuir mai, salariu vensimentu milaun atus rua resin, bens servisu milaun atus lima resin, transferensia publika milaun atus lima resin, kapital menor milaun sia resin no kapital dezenvolvimentu milaun atus rua resin.

Osan ne’ebé gasta tiha ona husi janeiru 2020 to’o agora, liu husi rejime duodesimal, tama mós iha OGE 2020 ne’ebé Prezidente Repúblika promulgadu iha loron segunda feira no parlamentu nasional haruka ona ba jornál republika.

Orsamentu ne’e inklui despezas ba estabilizasaun ekonomia husi efeitu negativu COVID-19 no husi inundasaun iha sidade Díli, no sei kobre medidas ba rekuperasaun ekonómika, iha ámbitu planu rekuperasaun ekonómika, aprovadu husi VIII governu konstitusionál, iha fulan agostu 2020.

(Manuel/Siso)

How do you react to this article?

You have reacted on "Prezidente Repúblika Promulga OJE 2020 (Radio)" A few seconds ago