PR Preokupa Ho Veteranu Balu Ne’ebe Falsifika Dokumentus Veteranus Hodi Ba Foti Osan (Radio)

Dili – Prezidente Repúblika preokupa ho veteranu balu ne’ebe falsifika dokumentus veteranus hodi ba foti osan, iha Banku Nasional Ultramarinu – BNU.

Preokupasaun Prezidente Republika Francisco Guterres Lu-Olo ne’e, transmite husi prokurador jeral da Republika, José Da Costa Ximenes, iha Palacio Prezidensial Bairo Pite, segunda feira ne’e.

José Da Costa Ximenes haktuir, Prezidente Republika preokupa no triste, tanba membru veteranus sira komete iha aktu falsifikasaun dokumentus hodi hetan pensaun husi estadu.

José Da Costa Ximenes fundamenta, xefi estadu husu mós atu ministeriu publiku kontinua hala’o servisu hodi atua kazu krimi ne’ebe komete husi sidadaun sira.

Arguidu sira, antes ne’e falsifika dokumentus hodi foti osan iha banku bnu hamutuk rihun sia nulu resin tolu.

Kazu falsifikasaun dokumentus foti osan veteranus involve arguido Joaquin Da Silva hanesan veteranu, Osvaldo Paulo, Mario De Araújo, Marcelino Pereira, Agostinha Da Costa Maria, Constantinho De Jesus Maia, Celio Maria Noronha Lay, Delio De Jesus Lobo Campos ho Domingos Mendonça.

Iha loron sanulu resin neen foin lalais ne’e tribunal Distrital Dili aplika pena prizaun tinan 5 too tinan sia ba arguido sira.

(Manuel/Siso)

How do you react to this article?

You have reacted on "PR Preokupa Ho Veteranu Balu Ne’ebe Falsifika D..." A few seconds ago