Governu Laiha Intensaun Atu Oferese Aeroportu Baucau Ba Governu America (Radio)

Dili – Governu laiha intensaun atu oferese aeroportu Baucau ba governu America hodi harii nia baze militar.

Ministru defesa, Filomeno Da Paixão De Jesus, hato’o pozisaun ne’e relasiona ho preokupasaun xefi estadu maior forsas armada, maijor jeneral Lere Anan Timur, konaba governu America sei sai nain ba aeroportu Baucau.

Governante ne’e hateten, durante ne’e governu America no Dili diskuti ona konaba programa parceria estado iha area eskola, formasaun ba forsa marina, inklui konstrusaun ba aeroportu Baucau.

Governu America sei finansia orsamentu milaun 10 ba konstrusaun aeroportu Baucau iha tinan 2021.

Alemde ne’e, estadus unidus America mos planeia ona atu oferese aviaun kiik ida ba Forsa Defeza Timor Leste hodi hala’o vizilansia ba area kosta sul.

(Manuel/Siso)

How do you react to this article?

You have reacted on "Governu Laiha Intensaun Atu Oferese Aeroportu B..." A few seconds ago