PR Dezafia Plan Internasional Ba Protesaun Labarik Iha Vida Seguru (Radio)

Dili – Prezidente Republika dezafia Plan Internasional ba protesaun labarik iha vida seguru.

Pedidu xefe estado ne’e, transmite husi, diretora Plan Internasional iha Timor Leste, Dillyana Ximenes hafoin remata reuniaun ho xefi estadu Francisco Guterres Lu-Olo, iha palacio prezidensial, Bairo Pite Dili.

Diretora ne’’e haktuir, Prezidente Republika Francisco Guterres Lu-Olo fó apoiu makas ba atividade Plan nian ba salva labarik feto no mane sira iha vida seguru.

Diretora ne’e haktuir, labarik mak futuru nasaun, tanba ne’e presija iha protesaun diak iha otas ne’ebe sei kiik atu prepara labarik sira nia futuru ne’ebe diak ba dezenvolve Timor Leste.

Plan Internasional aprejenta mos karta aberta ba Prezidente Republika konaba risku ba vida labarik sira bainhira laiha seguransa diak ba media sosial hanesan facebook, Tik Tok no twitter.

Maibé, Plan Internasional iha ona planu ba tinan oin atu servisu hamutuk ho inan aman, autoridade lokal no labarik sira iha area rural hodi evita labarik sira sai vitéma ba media online.

(Manuel/Siso)

How do you react to this article?

You have reacted on "PR Dezafia Plan Internasional Ba Protesaun Laba..." A few seconds ago