Ema Nain Tolu Mate Tamba Kareta Baku Fila (Radio)

13 Outubro 2020
0 Comments
32 View.

Lautem – Ema nain tolu mate no nain tolu seluk kanek todan tamba asidente trafiku kareta baku fila, iha estrada lore municipiu Lautem.

Komandante PNTL munisípiu Lautém superintendente polisia António Rego Fernandes ba RTTL, segunda feira ne’e konfirma, asidente ne’e seidauk hatene motivu tanba sei iha prosesu investigasaun.

Superintendente polisia António Rego Fernandes hateten, kamioneta ne’e monu kuaje metru 19 ba rai naruk, hafoin fila husi Valu Tutuala, akontese mais ou menus tuku ualu kalan.

Iha kamioneta ne’e, pasageiros hamutuk 12, hafoin monu resulta matebian nain tolu kompostu husi kaben nain ida no jovens nain rua inklui mos nain tolu ne’ebe kanek todan maioria estudante.

Sorin seluk xefe emergensia centro saúde Lospalos António Pinto afirma, vitima nain tolu kuntinua evakua ba hospital Baucau hodi hetan tratamento intensivu.

Entertantu kareta baskolante ne’ebe baku fila ho xapa matrikula 5.1887 tl.

Tuir dadus ne’ebe rejista, asidente ne’ebe akontece ona iha fulan outobru tinan ne’e, hamate ona ema nain 4, kompostu husi ema nain 3 ne’ebe, monu ho kareta ne’e.

(Emi)

How do you react to this article?