CNRT Konsidera PPN Kontra Rejimentu No Konstituisaun (Radio)

Dili – Bankada CNRT parlamentar konsidera Presidenti Parlamentu Nasional kontra rejimentu no konstituisaun hodi taka dalan ba direito opozisaun ba intervensaun, iha debate OGE.
Iha plenaria segunda feira ne’e, mosu dezentendimentu entre bancada CNRT ho Presidenti Parlamentu Nasional Anicetu Guterres, tamba Presidenti Parlamentu Nasional la fo tempo ba bancadas opozisaun sira atu halo intervensaun ba proposta numero primeiro ne’ebe deputado komisaun C apresenta atu hadia referensia, iha orsamentu ba aneksu.
Deputada Carmelita hateten, presidenti Parlamentu Nasional tenki jere meza ho didiak, tuir konstituisaun hodi labele viola deputado sira nia direito ba intervensaun iha plenaria.
Deputadu Antoninho Bianco deklara, diskusaun ba OGE lao tuir guião hodi atribui tempo ba deputadu sira atu observa proposta ne’ebe deputadu proponente sira hato’o.
Relasiona ho dezentendimentu ne’e, Presidenti Parlamentu Nasional Anicetu Guterres Lopes dezafia bankada CNRT atu questoina failansu hirak ne’e ba tribunal hodi buka dalan los.
Maske nune’e, situasaun iha Parlamentu Nasional hahu normal hikas, tamba Presidenti Parlamentu Nasional hapara dezentendimentu ne’e liu husi dalan intervalo.
(Alau/Siso)







Add to Comments Here!!!!