JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MP Husu Tribunal Atu Kondena Arguido CMB Kadeia Tinan 15 (Radio)

MP Husu Tribunal Atu Kondena Arguido CMB Kadeia Tinan 15 (Radio)

Dili – Ministeriu publiku husu ba tribunal atu kondena arguido CMB kadeia tinan 15 tanba provadu komete iha krimi trafiku droga.

Iha alegasaun final ba kazu trafiku no ilísitu ba droga ne’ebe komete husi arguido CMB, iha kuarta feira ne’e, Ministeriu Publiku ne’ebe reprejenta husi prokuradora Lidia Soares ho Hernani Rangel husu ba tribunal atu kondena arguido tinan 15 kadeia.

Maibe, advogadu arguido nian Fernando Da Costa ba jornalista hateten, iha alegasaun husu ba tribunal atu absolve nia kliente husi kazu ne’e, tanba nia kliente la involve direita iha kazu transaksaun droga ne’e.

Tuir akuzasaun husi Ministeriu Publiku katak, pakote kompresor ac kareta nian too iha aeroportu Nicolau Lobato, iha loron 30 fulan dezembru tinan 2019 no iha loron 7 fulan janeiru tinan 2020, arguido hetan kontaktu husi autoridade seguransa atu ba foti pakote refere, maibe arguido la kohi ba foti, tanba ne’e iha loron 14 fulan janeiro atoridade seguranbsa ba kaptura arguido iha nia servisu fatin Timor Plaza.

Miniisteriu Publiku akuza arguido ba krimi trafiku aktividades ilísitu ba droga tuir lei droga numeiru 2/2017 artigu 9 kona ba agravasaun, arguido ameasa kadeia tinan 5 too 20.

Audensia julgamentu ne’e, prejide husi kolektivu juis lideradu husi juis Afonso Carmona, Ministeriu Publiku reprejenta husi prokurador Luis Hernani Rangel no Lidia Soares, arguido hetan asistensia legal husi advogadu privadu Fernando Da Costa.

(Jhon/Siso)

How do you react to this article?
Like
Love
Haha
Wow
Sad
Angry
You have reacted on "MP Husu Tribunal Atu Kondena Arguido CMB Kadeia..." A few seconds ago

Add to Comments Here!!!!

error: Content is protected !!