Tribunal Distrital Dili Adia Tan Kazu Jogus Ilegal (Radio)

23 Setembro 2020
0 Comments
91 View.

Dili – Tribunal Distrital Dili adia tan kazu jogus lotaria kupong SDSB ilegal, tanba arguido nain ida auzente ba estrangeiro no la marka perzenza.

Iha tersa-feira ne’e, Tribunal Distrital Dili adia tan kazu jogus SDSB ilegal ba dala tolu tanba arguido ida la marka prejensa iha tribunal tanba ba ona estranjeiru.

Advogadu arguido sira nian Emilio Sarmento ba jornalista iha Tribunal Distrital Dili hateten, tribunal adia tan kazu ne’e tanba arguido nain ida ba servisu tiha iha estranjeiru.

Emilio sarmento hatutan, kazu ne’e akontese desde tinan 2017 too agora tribunal adia ba dala tolu ona, nudar defeza kumpri desijaun husi tribunal.

Arguido nain 17 ne’e, ministeriu publiku akuza ho kazu fraude fiskal no esplorasaun ba jogu elísitu ne’ebe previstu iha artigu 314 no artigu 322 kodigu penal.

Kazu ne’e rejistu iha polisia nasional servisu investigasaun kriminal ho numeiru nuc 0146/17.pnsic.

Audensia julgamentu prejide husi juis Albertina Neves, ministeriu publiku reprejenta prokurador Rogeiro Viegas no arguido sira hetan asistensia legal husi advogadu privadu Emilio Sarmento ho Miguel Faria.

(Jhon/Siso)

How do you react to this article?