JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana 3 Ona Ahi Iha Sala Maternidade Centru Saude Bekora La Lakan (Radio)

Semana 3 Ona Ahi Iha Sala Maternidade Centru Saude Bekora La Lakan (Radio)

Dili – Semana tolu ona ahi iha sala maternidade centru saude Bekora la lakan, difikulta profesionais saude, labele fo partu ba inan isin rua sira iha tempu kalan.

Asuntu ne’e, relata husi xefi centru saude Bekora Adelina Pinto iha nia servisu fatin Bekora Dili, segunda feira semana ne’e.

Adelino Pinto hateten, besik semana tolu nia laran ona, ahi iha sala maternidade Bekora la lakan, tanba instalasaun avária, hodi difikulta servisu operasionais ba atendimentu inan isin rua ne’ebe partu iha tempu kalan.

Tuir nia, problema ne’e aprezenta ona ba parte EDTL maib’e to agora seidauk hadi’a maske ekipa EDTL halo ona observasaun ba problema refere.

Diretora servisu saude munisipiu Dili Agustina Segurado konfirma, prokupasaun hirak ne’e, servisu saude munisipiu Dili, insere ona iha orsamentu adisional 2021, atu sosa jerador rezerva ida, hodi labele abandona pasiente sira ne’ebe partu iha tempu kalan.

Ministra saude Odete Maria Freitas Belo konfirma, sei halo kordenasaun ho EDTL no servisu agua no saneamentu hodi fornese enerjia eletrisidade no bee mos ba postu saude no sentru saude sira.

Enquantu, dadaun ne’e, difikuldades ne’ebe postu saude no sentru saude sira infrenta maka, ahi lakan mate, laiha bee mos no saneamentu, hodi difikulta atendimentu ba pasiente sira.

(Juvenal/Siso)

How do you react to this article?
Like
Love
Haha
Wow
Sad
Angry
You have reacted on "Semana 3 Ona Ahi Iha Sala Maternidade Centru Sa..." A few seconds ago

Add to Comments Here!!!!

error: Content is protected !!