MAE Distribui Uniforme Ba Xefi Suku 59 (Radio)

Baucau – Ministério Administrasaun Estatal, liu husi diresaun nasional apoia administrasaun suku, distribui uniforme ou farda ba xefi suku 59, iha munisipiu baucau.

Xefi suku Soba, posto administrativu Laga Fransisca Monika apresia ho apoiu farda husi governu tanba atu uniformija bainhira hala’o servisu diária no garante prestasaun servisu ba atendmento publiku.

Presidente autoridade munisipiu Baucau, António Augusto Guterres hateten, apoia ne’e atu valoriza servisu xefi suku sira, hodi atende publiku ho diak maske estruktura suku laos hola parte direita iha administrasaun estadu maibe halo atedemento ba povu iha nivel baze.

Diretor nasional apoia administrasaun suku Egas Jose Caetanu afirma, uniforme ne’e iha pakote rua inklui sapatu ba xefi sukus 59 iha munisipiu baucau.

Diretor ne’e klarifika, regras utilizasaun farda ne’e hahu segunda too sesta durante tempo servisu nian ho objetivu atu fo prestasaun servisu ne’ebe ho kualidade ba publiku.

(Mp/Nhoy/Siso)

How do you react to this article?

You have reacted on "MAE Distribui Uniforme Ba Xefi Suku 59 (Radio)" A few seconds ago