HNGV Komemora Loron Mudial Pasiente Siguru (Radio)

Dili – Hospital Nasional Guido Valadares Dili, garante pasiente nia saude seguru iha profesionais saude sira nia liman.

Garantia ne’e, hato’o husi diretor asistencia kliniku HNGV Flavio Brandão, hafoin selebra loron mundial pasiente seguru, iha Hospital Nasional Guidu Valadares Dili, kinta feira ne’e.

Flavio Brandão hateten, komemorasaun loron mundial pasiente seguru, ne’e atu mellora diak liu tan, prestasaun ne’ebe siguru ba pasiente sira no proteje profesionalidade.

Ezekutivu ne’e, husu ba profesionais saude sira, atu servisu ho profesional hodi garante nafatin saude ne’ebe seguru ba pasientes.

Xefi departamentu seriujia doutor Alito Soares deklara, ba futuru sei redus número mortalidade.

Enquantu, governu liu husi Ministeriu Saude mos kontinua tau prioridade hodi konstrui postu saude iha nivel suku no aldeia hodi atende pasiente sira ne’ebe hela iha area rurais.

Enquantu, seminariu ne’e, hala’o durante loron ida no hetan partesipasaun maximu husi xefi departamentu sira iha HNGV, mediku, enfermeiru inklui parteira sira.

(Juvenal/Siso)

How do you react to this article?

You have reacted on "HNGV Komemora Loron Mudial Pasiente Siguru (Radio)" A few seconds ago