Parlamentu Nasional La Rejistu Failansu Durante Plenaria Sesaun Lejislativo Datoluk (Radio)

Dili – Presidenti Parlamentu Nasional klarifika Parlamentu Nasional la rejistu failansu durante plenaria sesaun lejislativo datoluk ne’ebe hetan transmisaun direta husi RTTL.

Anicetu Guterres hato’o klarifikasaun ne’e hodi responde ba lamentasaun bankada CNRT kona ba intervensaun la sai kompletu iha transmisaun RTTL.

Iha tersa feira ne’e, mosu failansu tekniku iha Parlamentu Nasional, bainhira RTTL halo transmisaun direta ba sesaun lejislativo datoluk, maibe failansu iha prosesu emisaun tamba kauza husi liña eletrisidade.

Tamba ne’e, Presidenti Parlamentu Nasional orienta ona sekretariu geral hodi kontrola situasaun ne’e, maibe buat hotu iha Parlamentu Nasional lao normal.

Iha parte seluk, presidente RTTL Francisco Da Silva Gari deklara, RTTL la iha intensaun atu halo sabotazen ba deklarasaun bankada CNRT iha Parlamentu Nasional.

Maibe failansu ne’ebé akontese iha Parlamentu Nasional ba transmisaun husi RTTL kauza husi liña eletrisidade.

(Alau/Siso)

How do you react to this article?

You have reacted on "Parlamentu Nasional La Rejistu Failansu Durante..." A few seconds ago