Governu Aprezenta Ona Orsamentu Jeral Estadu Tinan 2020 Ba PN (Radio)

Dili – Governu aprezenta ona orsamentu jeral estadu tinan 2020 ba Parlamentu Nasional, iha tersa-feira ne’e.

Orsamentu ne’e, entrega husi ministru asuntus parlamentares no komunikasaun social, Francisco Jerónimo no ministru financas Fernando Hanjam, ba Prezidente Parlamentu Nasional, Aniceto Guterres Lopez.

Ministru presidencia konselu ministru fidelis leite magalhaens hateten, governu sei aprezenta orsamentu 2020 ho progrma oitavu governu konstitusional ne’ebe antes ne’e sumba iha Parlamentu Nasional.

Maibé, vigario episcopal diosese Dili, padre Juvito Do Rego argumenta, estadu labele moris ho orsamentu duodesimal maibe presiza orsamentu jeral estadu foun hodi aseleira desenvolvimentu ba povu no nasaun.

Bibi atan ne’e, sujere ba orgaun ezekutivu no orgaun lejislativo, atu prioridade ba pagamentu devidas ne’ebé antes ne’e seidauk halo pagamentu.

Foin lalais ne’e, konsellu ministru aprova ona orsamentu jeral estadu tinan 2020 hamutuk dolar amerikanu biliaun ida pontu lima no proposta OGE 2021 ho total bilaun ida ponto neen.

(Domingos/Siso)

How do you react to this article?

You have reacted on "Governu Aprezenta Ona Orsamentu Jeral Estadu Ti..." A few seconds ago