Moras Ispa, Diarea No Isin Katar Kontinua Rejista A’as Iha Sentru Saúde Formosa (Radio)

Dili – Moras ispa, diarea no isin katar kontinua rejista a’as iha sentru saúde Formosa.

Xefi sentru saúde Formosa, Jaime Dos Reis Belo konfirma, periodu fulan agustu tinan ne’e, sentru saúde formosa rejista kazu moras ispa hamutuk 974, diarea 277 no moras kulit 42.

Jaime Dos Reis Belo justifika, kazu sira ne’e rejista tanba impaktu husi rai rahun, bailoron naruk no la iha be mos.

Xefi sentru saúde formosa Jaime Dos Reis Belo, aprezenta dadus ne’e, iha centro saude Formosa, quarta-feira semana ne’e.

Xefi sentru saúde ne’e, apela ba komunidade sira atu uza mascara, hamos uma ninin no tenki prepara hahan ne’ebe nutritivu ba labaraik sira, hodi hadok a’an husi moras hirak ne’e.

Enquantu, hahu inisiu fulan janeiru to’o agustu tinan ne’e, sentru saúde formosa rejista kazu moras ispa hamutuk rihun sanulu resin, moras diarea rihun ida resin no moras kulit atus ualu reisn.

(Juvenal/Siso)

How do you react to this article?

You have reacted on "Moras Ispa, Diarea No Isin Katar Kontinua Rejis..." A few seconds ago