Xanana Gusmão Enkoraza Joventude Sira Atu Prepara Aán Hodi Kontinua Lidera TL (Radio)

Manatuto – Lider Nasional Kay Rala Xanana Gusmão enkoraza joventude sira, atu prepara aán, hodi kontinua lidera Timor Leste iha futuru.

Pedidu ne’e, hatoo husi lider resistência, Xanana Gusmão, iha seremonia enseremento desportu komunitario iha aldeia Rembor, suku Aiteas, munisipiu Manatuto tersa – feira semana ne’e.

Xanana Guamão hateten, victoria ukun aán ne’ebe Timor Leste hetan ona mai husi kontribuisaun povu hotu nian, ne’ebe ho aten brani ezerse dereitu iha konsulta popular loron 30 fulan agustus tinan 1999.

Iha parte seluk, lider resistencia ne’e husu mos ba komunidade Manatuto kumpre regras higiéne bázika husi ministériu saúde no orgnizasaun saude mundial, prevene transmisaun corona virus.

Relasiona, atividade komunitario ne’e, prezidente komisaun organizadora, Jose Laurens súblinha desportu komunitario ne’e hodi komemora loron konsulta popular no habelar amizade iha suku, hodi hasae partisipasaun joventude sira ba hametin unidade nasional.

Desportu komunitario ho modalidade foteboll refere, hetan apoiu hosi knua Kay Rala.

Vensedor ba desportu komunitario ne’e, premeiro lugar hosi clubo Rental, segundo lugar klubu Granado no terseru lugar klubu Krak.

Enquanto, premeiro ba manan nain intrega dereita hosi lider resistensia Kay Rala Xanana Gosmão.

(Frans/C/Siso)

How do you react to this article?

You have reacted on "Xanana Gusmão Enkoraza Joventude Sira Atu Prepa..." A few seconds ago