Kordenador lia Nain Timor Leste Konsidera Pio De Ataide Laos Lia Nain Ba Karketu Motain (Radio)

Dili – Kordenador lia nain Timor Leste konsidera Pio De Ataide laos lia nain ba Karketu Motain maibe hanesan liurai oan ba karketu motain.

Eujenio sarmentu hato’o komfirmasaun ne’e, iha Parlamentu Nasional hodi hatan ba deklarasaun lia nain Karketu motain Pio De Ataide ne’ebe deklara katak mosu diskriminasaun ba lisan sira.

Eujenio Sarmentu hateten, serimonia foin lalais ne’e, lia nain husi Karketu motain representa ema nain hat, tamba naran hirak ne’e apresenta husi autoridade lokal sira.

Tuir nia, Pio De Ataide hanesan liurai oan husi lisan Karketu Motain, laos lia nain, tamba lia nain presija ema hamulak hatene atu hodi hamulak ba lulik sira.

Iha parte seluk, pio de ataide deklara, nia parte hanesan lia nain husi lisan Karketu Motain, tamba iha koinesimentu husi estado Timor desde tempo eis presidenti Republika Kay Rala Xanana Gusmão.

Tamba ne’e bainhira, serimonia ritual ruma ne’ebe atu halo iha Dili presija halibur malu iha lisan Karketu Motain antes realiza serimonia ritual sira.

(Alau/Siso)

How do you react to this article?

You have reacted on "Kordenador lia Nain Timor Leste Konsidera Pio D..." A few seconds ago