FONGTIL lamenta Ho Osan Hari Meza PN (Radio)

09 Setembro 2020
0 Comments
85 View.

Dili – Organizasaun naun governamental FONGTIL lamenta ho osan rihun rua nulu pontu lima ba hari meza Parlamentu Nasional.

Lamentasaun ne’e, hato’o husi, diretor ezekutivu FONGTIL Daniel Santos Do Carmo, tersa feira ne’e, relasiona ho ceremonia ritual re-posisaun meja prezidente Parlamento Nasional.

Daniel Santos Do Carmo justifika, tuir lolos parlamentu selu lian nain munisipiu sanulu resin rua no Oecusse hodi nune’e bele hala’o ceremonia ritual reposisaun meja parlamentu hodi garante funsionamentu orgaun lejislador ho di’ak iha future.

Ezekutivu ne’e, husu ba ministeriu publiku no policia cientifika investigasaun criminal, loke investigasaun ba aktu harahun meja prezidente parlamentu nasional.

Foin lalais ne’e, kordenador lia-nain Timor Leste Eujenio Sarmentu justifica, razaun lia-nain sira labele partispa hotu iha serimonia ne’e tamba osan la sufisiente.

Antes ne’e Parlamentu Nasional preve ona osan hamutuk rihun rua nulu pontu lima hodi komvida lia nain husi munisipiu 12 inklui RAEOA hodi mai hatuur hikas meza parlamentu maibé la akontese.

Enquanto iha ceremonia ritual ne’e marka deit prezenza husi reprezentante lian nain parte loro sa’e, loro monu, raiklaran, rai ketan no husi kapital Dili.

(Manuel/Siso)

How do you react to this article?