Bankada CNRT Sei La Partisipa Iha Serimonia Hatur Meza PPN (Radio)

Dili – Bankada CNRT sei la partisipa iha serimonia hatur meza Presidenti Parlamentu Nasional ne’ebe markada ba loron 4 fulan setembro tinan ne’e.

Vice xefi bankada CNRT Patrosinio Fernandes afirma, bankada CNRT sei la hola parte iha serimonia hatur meza, tamba laos hatur meza mak sai fukun ba impase politika, maibe importante mak lao tuir dalan konstituisaun RDTL.

Tuir Patrosinio Fernandes, meza Presidenti Parlamentu Nasional rahun, tamba politiku sira la halo tuir konstituinsaun RDTL, tamba ne’e hodi rejulta meza rahun iha Parlamentu Nasional.

Primeira vice Presidenti Parlamentu Nasional Maria Anjelina Sarmentu justifika, bankada CNRT la partisipa sei fo impaktu ba instalasaun meja foun ba Prezidente Parlamento Nasional, tamba bankada maioria sei partisipa.

Tuir ajenda serimonia kultura sei hahu iha parte dader no misa solene sei realiza iha parte lokraik iha igreja Katedral Dili ne’ebe sei diriji husi Arce Bispo Metropolitania Bispo Diceze Dili Don Virgilio Do Carmo Da Silva.

(Alau/Siso)

How do you react to this article?

You have reacted on "Bankada CNRT Sei La Partisipa Iha Serimonia Hat..." A few seconds ago