MS Distribui Ona Kareta Ambulansia 16 Ba Munisipiu 12 Inklui RAEOA (Radio)

Dili – Ministériu saúde tersa-feira ne’e, distribui ona kareta ambulansia sanulu resin nen ba munisipiu 12 inklui RAEOA, maibé munisipiu Ermera, Baucau ho Lautem sei simu ambulancia rua.

Vice ministru saude Bonifacio Maukoli Dos Reis iha nia diskursu hateten, kareta ambulansia ne’e ho marka servisu nasional ambulansia, ne’ebe sei halo transferensia ba pasiente sira, bainhira presiza.

Kareta hirak ne’e, sei responde ba preokupasaun komunidade sira nian, iha munisipiu sira.

Ministra saude Odete Maria Freitas Belo hateten, munisipiu tolu ne’ebe simu kareta ambulansia rua ne’e, bazeia ba populasaun ne’ebe bo’ot iha Timor Leste.

Tamba ne’e, husu ba motorista sira atu utiliza kareta ambulansia hirak ne’e, tuir standarijasaun operasional prosedura s.o.p ne’ebe, iha hodi garante halo atendimentu ne’ebe diak ba pasiente sira.

Enquantu, kareta ambulansia hirak ne’e, sosa ho orsamentu fundu COVID-19 ho montante dolar amerikanu rihun atus ualu resin.

(Juvenal/Siso)

How do you react to this article?

You have reacted on "MS Distribui Ona Kareta Ambulansia 16 Ba Munisi..." A few seconds ago