Governu Sei Instala Tan Postu Ha’at Ba Unidade Policia Fronteira (Radio)

Dili – Governu sei instala tan postu ha’at ba unidade policia fronteira hodi kontrola movimentu sidadun sira ne’ebe kontinua halo klandestinamente mai teritoriu nasional.

Medida ne’e, hodi responde ba preokupasaun Primeiru Ministru Taur Matan Ruak kona ba seguransa iha fronteira terrestre, liu-liu tendensia ba sidadaun ne’ebe tama ilegal.

Asuntu ne’e aprezenta husi brigadeiro jeneral João Miranda Aluc ne’ebe akompaña husi vice ministru interior António Armindo, hafoin hasoru malu ho Primeiru Ministru Taur Matan Ruak, iha palaciu do governu Dili.

Ba jornalista sira brigadeiro jeneral João Miranda Aluc Descartes hateten, dadauk ne’e numeru sidadaun iha kuarentena komesa menus tanba ne’e nafatin asegura kontrola husi fronteira terrestre hodi evita cidadaun tama sai iha area fronteriza.

Dadaun ne’e, postu UPF iha lina fronteriza hamutuk tolu nulu resin mak estabelese ona no sei aumenta posto hat iha mota-ain ho salele.

(Domingos/Siso)

How do you react to this article?

You have reacted on "Governu Sei Instala Tan Postu Ha’at Ba Unidade ..." A few seconds ago