PR Promulga Ona Lei Medidas Prevensaun No Kombate Korrupsaun (Radio)

Dili – Prezidente Repúblika Francisco Guterres Lú Olo, promulga ona lei medidas prevensaun no kombate korrupsaun hodi fo biban ba komisaun anti korupsaun hala’o servisu.

Desizaun xefe estadu, Fransico Guterres Lú Olo ne’e, RTTL assesu via komunikadu, iha tersa-feira semana ne’e.

Implementasaun lei ne’e sei hametin fiar sidadaun nian ba integridade, transparénsia, efisiénsia, efikásia instituisoins estadu nian hodi servi ba interese públiku.

Prezidente Repúblika hatoo mos karta ba Parlamentu Nasionál katak, prevensaun no kombate kontra korrupsaun la’ós de’it liu husi aprovasaun lejislasaun no montajen sistema ba institusoins ne’ebé nu’udar núkleu sentral.

Importante tebes prevensaun no kombate korrupsaun atu instituisoes funsiona efetivamente, tuir prinsípiu legalidade, izensaun, transparénsia, efisiénsia, efikásia, simplisidade no previsibilidade.

Prezidente Repúblika apela ba governu no Parlamentu Nasionál atu apoia komisaun anti –korrupsaun, Prokuradória Jerál Repúblika, polísia sientífika no investigasaun kriminál no tribunal rekursu hetan meius nesesáriu atu kombate korrupsaun ho efetivu.

Prezidente Repúblika iha ninia karta ba Parlamentu Nasionál hateten, implementasaun lei ba prevensaun no kombate korrupsaun, atu iha impaktu efetivu no alargadu, lei ne’e rasik presiza fali regulamentasaun komplementar, liu husi dekretu-lei no dekretu sira seluk, liu relasiona ho área vulneravel sira iha verifikasaun korrupsaun no konflitu interese ninian.

(Manuel/Siso)

How do you react to this article?

You have reacted on "PR Promulga Ona Lei Medidas Prevensaun No Komba..." A few seconds ago